( 6 )شہزادۂ فریدی محمودی حضرت حافظ و قاری محمد شوقین شوق فریدی صاحب قبلہ دامت برکاتہم العالیہ خانقاہ فریدیہ جوگیا شریف کھگڑیا بہار (الہند)

سرکار دوعالم کی ہر جا پہ رسائی ہے

ہم جیسے بھی مجرم کی واللہ بن آئی ہے

یہ سچ ہیکہ صرف ان کی محشر میں رسائی ہے 

یہ بات رضا خاں نے ہم سب کو بتائی ہے 

اللہ غضب میں ہے اعمال مرے بد ہیں

اے بے کسوں کے آقا اب تیری دہائی ہے

اللہ کی عبادت کر اے شاہ کے دیوانے

دنیا نہیں کچھ دے گی یہ دنیا پرائی ہے

دشمن جو زمانہ ہے کچھ کر نہیں پائے گا 

ہیں ساتھ مرے آقا مرے ساتھ خدائی ہے

کیا خاک کوئی تیری عظمت کو گھٹائے گا 

اللہ تعالیٰ نے جب شان بڑھائی ہے

اے شوق حقیقت ہے مطلع جو کہا تم نے  

ہر جا پہ شہ دیں کی واللہ رسائی ہے