( 13 )شہزادۂ فریدی محمودی حضرت حافظ و قاری محمد شوقین شوق فریدی صاحب قبلہ دامت برکاتہم العالیہ خانقاہ فریدیہ جوگیا شریف کھگڑیا بہار (الہند)

کی جس نے آپ سے ہے ہمیشہ وفا علی

ہر دم کیا ہے آپ نے اس کا بھلا علی

میں کیا لکھوں کہ کیا ہے ترا مرتبہ علی

زوجہ تری ہیں حضرتِ بی فاطمہ علی

مشکل میں گھر چکا ہوں پئے بنت مصطفیٰ

"مشکل کو حل کرو مرے مشکل کشا علی"

کہتے ہیں پنجتن جنہیں وہ پانچ ہیں یہی

حسنین و بی بی فاطمہ اور مصطفیٰ علی

در سے تمہارے خالی نہیں لوٹا ہے کوئی

بے شک تمہارا در ہے در مصطفی علی

فضل خدا سے اس کی سبھی مشکلیں ٹلی 

جس نے بھی مشکلوں میں پکارا ہے یا علی

اے شوق شان مرتضیٰ لکھوں تو کیا لکھوں

میں تو بس ایک ذرہ ہوں اور ہے کجا علی 

مشکل کی کیا مجال پریشاں کرے مجھے

اے شوق جب ہیں ساتھ میں مشکل کشا علی