مصیبت میں جہاں جس نے پکارا یارسول ا للہ
دیا اس کو وہیں تم نے سہارا یارسول اللہ
دعا ہے بس یہی میری خدارا یارسول اللہ
ترے ٹکڑوں پہ ہو میرا گزارا یارسول اللہ
بچا لینا قیامت کی مجھے ہر ایک سختی سے
مرے ہاتھوں میں دامن ہے تمہارا یارسول اللہ
کریں گے حشر میں جس کو اشارہ آپ بخشش کا
کرے گا بس وہ جنت کا نظارہ یا رسول اللہ
گناہوں میں گھرا ہوں پر کھلیں اعمال جب میرے
مکن محروم از لطفت گدا را یارسول اللہ
لحد میں حشر میں میزان پر میرا، سوا تیرے
نہیں ہے کوئی بھی دوجا سہارا یارسول اللہ
یہی ہو مشغلہ میرا یہ کہتا ہی چلا جاؤں
میں عاشق ہوں تمہارا بس تمہارا یارسول اللہ
جلائے عشق کی مشعل وہ دل میں اپنے بیٹھا ہے
کچھوچھہ کا بریلی کا دلارا یارسول اللہ
دعائیں روز کرتا ہے یہی نوری نمازوں میں
بلا لیجے اسے طیبہ دوبارہ یارسول اللہ
محمد جیش خان نوری امجدی مہراجگنج یوپی
0 تبصرے