۔۔۔۔۔۔۔۔۔۔۔۔۔۔سلام ببارگاہِ امام ۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔علیہ السلام۔۔۔۔۔۔۔۔۔۔۔۔۔۔۔۔۔۔۔
رسد سے دور ہماری ترا مقام حسین
تو جنتی نو جوانوں کا ہے امام حسین
جہانِ صبر و تحمل میں تیرے جلوے ہیں
جہانِ عشق پہ تیرا ہے احتشام حسین
جہاں میں کس کےنہیں آپ والی و سرور؟
جہاں میں کون ؟نہیں آپ کا غلام حسین
تو کتنا عالی و ذیشاں عظیم بو برتر ہے
حبیبِ رب ترا کرتے ہیں احترام حسین
وہاں پہ پرچمِ حق آپ نے ہے لہرا یا
جہاں تھا باطلوں کا خوب ازدحام حسین
نگاہِ لطف و کرم آپ کی پڑی جن پر
وہ ہر جگہ پہ ہوئے فائز المرام حسین
برائے عاشق و شیدا کتابِ عشق و وفا
برائے شوخ ہیں شمشیرِ بے نیام حسین
بڑی نوازشیں سرکار آپ کی ہوگی
جو در پہ آنے کا کردیں گے انصرام حسین
وہ لعنتی ہے وہ مردود و تخمِ شیطاں ہے
جوتیری شان میں کرت ہےبد کلام حسین
یزید مٹ گیا نام و نشاں نہ باقی ہے
مگر ہے زندہ زمانے میں تیرا نام حسین
شرف مآب میں ہو جاؤں چشمِ عالم میں
قبول کرلیں جو احمد مرا سلام حسین
غلام احمد رضا نیپالی
0 تبصرے