شاعر اسلام قاری ‏محمد امیرحمزہ نظامی رانچوی جھارکھنڈ

*🌹مکمل کلام برائے حلقۂ محفل حسان الہند🌹*

تو قدیم ہے اے مرے خدا تری شان جل جلالہ

تو ہے بادشاہوں   کا   بادشا تری شان جل جلالہ

تو نوازتا ہے ہر ایک کو ترا کیوں زباں پہ نہ ذکر ہو

"تو ہے منکروں کا بھی آسرا تری شان جل جلالہ" 

تو کہے تو ملتی ہے زندگی تو کہے تو آتی ہے موت بھی

ترا حتمی ہوتا ہے فیصلہ تری شان جل جلالہ

جو بلا کبھی کوئی گھیر لے، نہیں کوئی اس سے خطرمجھے

تو ہے ساتھ پھر کیا ہے سوچنا؟ تری شان جل جلالہ

تیرے بندےکرتے ہیں بندگی،سبھی خاص و عام ہیں ملتجی

تو   ہی   پوری   کرتا  ہے  التجا   تری   شان جل جلالہ

ترا ذکر ہوتا ہے کو بہ کو ، اے خدائے پاک اے وحدہٗ 

 مرے روم روم کی ہے  صدا تری شان جل جلالہ

ہے نظامی بندہء پرخطا، ترا لطف مجھ پہ رہا سدا 

نہیں اور کچھ مجھے سوچنا ، تری شان جل جلالہ

*ازقلم - محمد امیرحمزہ نظامی رانچوی جھارکھنڈ*