کلامِ متینی Kalam e mateeni

خراج عقیدت بارگاہِ حضور شعیب الاولیاء علیہ الرحمۃ براؤں شریف

کلامِ متینی

چارہ گر ہے سب کا ایوانِ شعیب الاولیاء

اس طرح جاری ہے فیضانِ شعیب الاولیاء

نائبینِ مصطفیٰ، ہیں انکے گھر میں دیکھئے

کتنا اچھا ہے گلستانِ شعیب الاولیاء

راز دارانِ طریقت کا ہے یہ کہنا سنو!

جاری و ساری ہے عرفانِ شعیب الاولیاء

خوشبوئيں پھیلا رہی ہیں جانِ عالم کی یہاں 

مشک زا ہے دیکھو گلدانِ شعیب الاولیاء

چھوٹی نہ تکبیرِ اولی جس کی اڑتالیس برس

ایسا ہے مضبوط ایمانِ شعیب الاولیاء

نورِ ایماں سے مجلی اس کا دل ہوجائے گا

مان لے جو دل سے فرمانِ شعیب الاولیاء

مرکز الفت بنا ہے آج بھی فیض الرسول

کیونکہ اس کو ملتی دانِ شعیب الاولیاء

مظہرِ یارِ علی کا تذکرہ ہوتا ہے جب

جھوم جاتے ہیں اسیرانِ شعیب الاولیاء

مل ہی جائے گا متینی آپ کو رتبہ بلند

پہلے بن جائیں ثناخوانِ شعیب الاولیاء

سخن آموز__شاداب متینی علیمی سدھارتھ نگری

مقیم حال واپی گجرات