کلامِ متینی Kalam e mateeni

کلامِ متینی 

عرس حضور شیخ المشائخ شعیب الاولیاء

 عاشقِ محبوب کبریا گلِ گلزار قادریت شمعِ شبستانِ چشتیت حضور سیدی الشاہ محمد یار علی لقد رضی المولیٰ براؤں شریف بہت بہت مبارک ہو

خراج عقیدت ببارگاہِ حضور شعیب الاولیاء علیہ الرحمۃ براؤں شریف

چارہ گر ہے سب کا ایوانِ شعیب الاولیاء

اس طرح جاری ہے فیضانِ شعیب الاولیاء

نائبینِ مصطفیٰ، اس کے مہکتے پھول ہیں

کتنا اچھا ہے گلستانِ شعیب الاولیاء

راز دارانِ طریقت کے ہے لب پر یہ صدا

جاری و ساری ہے عرفانِ شعیب الاولیاء

سنتِ سرکار کی خوشبو سے ہے آراستہ

مہکے ہردم کیوں نہ گلدانِ شعیب الاولیاء

جو رہے پابند تحریمہ کے اڑتالیس برس

خوب ہے مضبوط ایمانِ شعیب الاولیاء

نورِ ایماں سے منور دل ہے اس انسان کا

جس نے اپنایا ہے فرمانِ شعیب الاولیاء

مرکز حکمت بنا ہے آج بھی فیض الرسول

کیونکہ اس کو ملتی ہے دانِ شعیب الاولیاء

مظہرِ یارِ علی کا تذکرہ ہوتا ہے جب

جھوم جاتے ہیں اسیرانِ شعیب الاولیاء

بڑھ گیا میرا متینی دہر میں عزو وقار

ہوگیا جب سے ثناخوانِ شعیب الاولیاء

نتیجۂ فکر

شاداب متینی علیمی سدھارتھ نگری

مقیم حال واپی گجرات

جامعہ ام سلمہ و جامعہ گلشن مدینہ سرتاج العلوم و ام سلمہ جونٸرہاٸی اسکول دریاآاباد ضلع بارہ بنکی یوپی میں بچوں اور بچیوں کے داخلے کے لئے رابطہ کریں موبائل نمبر 8009968910.8009059597

https://www.jamiaummesalma.com/2021/10/blog-post_13.html