کلام امام الکلام کلام الامام حضرت امام احمد رضا خان بریلوی رضی اللہ تعالٰی عنہ

 کلام امام الکلام کلام الامام حضرت 

امام احمد رضا خان بریلوی 

رضی اللہ تعالٰی عنہ

 پیش کردہ جناب حافظ و قاری محمد سعود متعلم جامعہ گلشن مدینہ سرتاج العلوم

 دریاآباد 

چمک تجھ سے پاتے ہیں سب پانے والے​

مرا دل بھی چمکادے چمکانے والے​

برستا نہیں دیکھ کر ابرِ رحمت​

بدوں پر بھی برسا دے برسانے والے​

مدینے کے خطّے خدا تجھ کو رکھے​

غریبوں فقیروں کے ٹھہرانے والے​

تو زندہ ہے واللہ تو زندہ ہے واللہ​

مِرے چشمِ عالَم سے چھپ جانے والے​

میں مجرم ہوں آقا مجھے ساتھ لے لو​

کہ رستے میں ہیں جا بجا تھانے والے​

حرم کی زمیں اور قدم رکھ کے چلنا​

ارے سَر کا موقع ہے او جانے والے​

چل اٹھ جبہ فرسا ہو ساقی کے در پر​

درِ جود اے میرے مستانے والے​

تِرا کھائیں تیرے غلاموں سے الجھیں​

ہیں منکر عجب کھانے غرّانے والے​

رہے گا یونہی اُن کا چرچا رہے گا​

پڑے خاک ہو جائیں جل جانے والے​

اب آئی شفاعت کی ساعت اب آئی​

ذرا چین لے میرے گھبرانے والے​

رضا نفس دشمن ہے دَم میں نہ آنا​

کہاں تم نے دیکھے ہیں چندرانے والے​

پیش کردہ محمد سعود متعلم گلشن مدینہ سرتاج العلوم دریاآباد بارہ بنکی 

حضور پیر طریقت رہبرراہ شریعت ناشر مسلک اعلیحضرت مرشد دریاآباد ابوالحسنات حضور سید آفتاب عالم گوہر قادری واحدی صاحب کے مدارس میں بچوں اور بچیوں کے داخلے کے لئے رابطہ کریں

 

8009968910.8009059597

https://www.jamiaummesalma.com/2023/05/blog-post_28.html

نعت شریف 

پیش کردہ حافظ وقاری محمد سعود رضوی متعلم جامعہ گلشن مدینہ سرتاج العلوم دریاآباد 

ہمارے مدارس میں بچوں اور بچیوں کے داخلے کے لئے رابطہ کریں موبائل نمبر 8009968910

8009059597

وہ شہرِ محبت جہاں مصطفیٰﷺہیں

وہیں گھر بنانے کو دِل چاہتا ہے

وہ سونے سے کنکر وہ چاندی سی مٹّی

نظر میں بسانے کو دل چاہتا ہے

وہ شہرِ محبت جہاں مصطفیٰﷺہیں

وہیں گھر بنانے کو دِل چاہتا ہے

جو پوچھا نبی نے کہ کُچھ گھر بھی چھوڑا

تو صدیق اکبر کے ہونٹوں پہ آیا

وہاں مال و دولت کی کیا ہے حقیقت 

جہاں جاں لٹانے کو دِل چاہتا ہے

وہ شہرِ محبت جہاں مصطفیٰﷺہیں

وہیں گھر بنانے کو دِل چاہتا ہے

جہادِ محبت کی آواز گونجی 

کہا حنظلہ نے یہ دلہن سے اپنی

اجازت آگر دو تو جام شہادت

لبوں سے لگانے کو دِل چاہتا ہے

وہ شہرِ محبت جہاں مصطفیٰﷺہیں

وہیں گھر بنانے کو دِل چاہتا ہے

وہ ننھا سا اصغر وہ ایڑی رگڑ کر

یہی کہہ رہا ہے وہ خیمے میں رو کر

اے بابا! میں پانی کا پیاسا نہیں ہوں

مرا سر کٹانے کو دِل چاہتا ہے

وہ شہرِ محبت جہاں مصطفیٰﷺہیں

وہیں گھر بنانے کو دِل چاہتا ہے

ستاروں سے یہ چاند کہتا ہے ہر دم

تمہیں کیا پتہ ہے وہ ٹکڑوں کا عالم

اشاروں میں آقا کے اتنا مزہ تھا

کے پھر ٹوٹ جانے کو دِل چاہتا ہے

وہ شہرِ محبت جہاں مصطفیٰﷺہیں

وہیں گھر بنانے کو دِل چاہتا ہے

جو دیکھا ہے روئے جمال رسالت

تو طاھر! عمر مصطفیٰ سے یہ بولے

بڑی آپ سے دشمنی تھی مگر اب

غلامی میں آنے و دِل چاہتا ہے

وہ شہرِ محبت جہاں مصطفیٰﷺہیں

وہیں گھر بنانے کو دِل چاہتا ہے  

 پیش کردہ محمد سعود رضوی متعلم جامعہ گلشن مدینہ سرتاج العلوم دریاآباد ہمارے مدارس میں بچوں اور بچیوں کے داخلے کے لئے رابطہ کریں موبائل نمبر    8009968910

  8009059597

استاذِ زمن شہنشاہِ سخن کی ایک نہایت ہی خوب صورت اور پُر اثر نعت پاک ؎

مرادیں مل رہی ہیں شاد شاد اُن کا سوالی ہے

رشحۂ خامہ: مولانا حسن رضا بریلوی

__________________ 

پش کردہ محمد سعود رضوی جامعہ گلشن مدینہ سرتاج العلوم دریاآباد ہمارے مدارس میں بچوں اور بچیوں کے لئے رابطہ کریں موبائل نمبر

8009059597  8009968910

 نعت رسول مقبول صلی اللہ تعالی علیہ والہ وسلم 

مرادیں مل رہی ہیں شاد شاد اُن کا سوالی ہے

لبوں پر اِلتجا ہے ہاتھ میں روضے کی جالی ہے

تری صورت تری سیرت زمانے سے نرالی ہے

تری ہر ہر اَدا پیارے دلیلِ بے مثالی ہے

بشر ہو یا مَلک جو ہے ترے دَر کا سوالی ہے

تری سرکار والا ہے ترا دربار عالی ہے

وہ جگ داتا ہو تم سنسار باڑے کا سوالی ہے

دَیا کرنا کہ اس منگتا نے بھی گُدڑی بچھا لی ہے

منور دل نہیں فیضِ قدومِ شہ سے روضہ ہے

مشبکِ سینۂ عاشق نہیں روضہ کی جالی ہے

تمہارا قامتِ یکتا ہے اِکّا بزمِ وحدت کا

تمہاری ذاتِ بے ہمتا مثالِ بے مثالی ہے

فروغِ اخترِ بدر آفتابِ جلوۂ عارض

ضیائے طالعِ بدر اُن کا اَبروئے ہلالی ہے

وہ ہیں اﷲ والے جو تجھے والی کہیں اپنا

کہ تو اﷲ والا ہے ترا اﷲ والی ہے

سہارے نے ترے گیسو کے پھیرا ہے بلاؤں کو

اِشارے نے ترے ابرو کے آئی موت ٹالی ہے

نگہ نے تیر زحمت کے دلِ اُمت سے کھینچے ہیں

مژہ نے پھانس حسرت کی کلیجہ سے نکالی ہے

فقیرو بے نواؤ اپنی اپنی جھولیاں بھر لو

کہ باڑا بٹ رہا ہے فیض پر سرکارِ عالی ہے

تجھی کو خلعتِ یکتائیِ عالم ملا حق سے

ترے ہی جسم پہ موزوں قبائے بے مثالی ہے

نکالا کب کسی کو بزمِ فیضِ عام سے تم نے

نکالی ہے تو آنے والوں کی حسرت نکالی ہے

بڑھے کیونکر نہ پھر شکل ہلال اسلام کی رونق

ہلالِ آسمانِ دیں تری تیغِ ہلالی ہے

فقط اتنا سبب ہے اِنعقادِ بزمِ محشر کا

کہ اُن کی شانِ محبوبی دکھائی جانے والی ہے

خدا شاہد کہ روزِ حشر کا کھٹکا نہیں رہتا

مجھے جب یاد آتا ہے کہ میرا کون والی ہے

اُتر سکتی نہیں تصویر بھی حسنِ سراپا کی

کچھ اس درجہ ترقی پر تمہاری بے مثالی ہے

نہیں محشر میں جس کو دسترس آقا کے دامن تک

بھرے بازار میں اِس بے نوا کا ہاتھ خالی ہے

نہ کیوں ہو اِتحادِ منزلت مکہ مدینہ میں

وہ بستی ہے نبی والی تو یہ اﷲ والی ہے

شرف مکہ کی بستی کو ملا طیبہ کی بستی سے

نبی والی ہی کے صدقے میں وہ اﷲ والی ہے

وہی والی وہی آقا وہی وارث وہی مولیٰ

میں اُن کے صدقے جاؤں اور میرا کون والی ہے

پکار اے جانِ عیسیٰ سن لو اپنے خستہ حالوں کی

مرض نے درد مندوں کی غضب میں جان ڈالی ہے

مرادوں سے تمہیں دامن بھرو گے نامرادوں کے

غریبوں بیکسوں کا اور پیارے کون والی ہے

ہمیشہ تم کرم کرتے ہو بگڑے حال والوں پر

بگڑ کر میری حالت نے مری بگڑی بنا لی ہے

تمہارے دَر تمہارے آستاں سے میں کہاں جاؤں

نہ کوئی مجھ سا بیکس ہے نہ تم سا کوئی والی ہے

حسنؔ کا درد دُکھ موقوف فرما کر بحالی دو

تمہارے ہاتھ میں دنیا کی موقوفی بحالی ہے

٭٭٭