ہم لوگ اپنے آپ کو اہل سنت والجماعت کیوں کہتے ہیں ازقلم حافظ محمد نور عالم سرتاجی طالب علم جامعہ گلشن مدینہ سرتاج العلوم دریاآباد بارہ بنکی

 ہم لوگ اپنے آپ کو اہل سنت والجماعت کیوں کہتے ہیں 

ازقلم 

حافظ محمد نور عالم سرتاجی 

طالب علم 

جامعہ گلشن مدینہ سرتاج العلوم 

دریاآباد بارہ بنکی

https://youtube.com/@bazmehuzuraftabemillat8862

ہم لوگ اپنے آپ کو اہل سنت والجماعت کیوں کہتے ہیں 

ازقلم حافظ محمد نور عالم سرتاجی طالب علم جامعہ گلشن مدینہ سرتاج العلوم دریاآباد بارہ بنکی

ہم لوگ اپنے آپ کو اہل سنت والجماعت کیو کہتے ہیں 

ہم اپنے آپ کو اہل سنت والجماعت کیوں کہتے ہیں؟ سب سے پہلے ہم مسلمان ہیں۔ کیونکہ اللٰه ﷻ نے ہمارا نام مسلمان رکھا ہے قرآن میں۔ لیکن جب منافق بد مذہب داخل ہو گئے اور وہ بھی اپنے آپ کو مسلمان کہنے لگے تب ہم پہچان کے لیے اپنے کو اہل سنت والجماعت کہنے لگے ۔ صحابہ نے اور اہل بیت نے بھی اپنے آپ کو اہل سنت والجماعت کہ کر مخاطب کیا ہے اور یہ اہل سنت والجماعت حضور ﷺ کی جماعت ہے۔امام حسین رضی اللہ عنہ نے یزیدیوں سے فرمایا:میرے نانا اللہ کے رسول ﷺ نے مجھ سے اور میرے بھائی حسن سے فرمایا:تم دونوں جنّتی جوانوں کے سردار ہو، اور اہل سنت کی آنکھوں کی ٹھنڈک حوالہ: ابن اثیر – تاریخ

 حق جماعت اہلسنت ہی ہے!

اھل سنت و جماعت ان تمام افراد کو کہا جاتا ہےجو رسول کریم صلی الله علیہ وسلم اور ان کے صحابہ کرام رضی الله عنھم اجمعین کے طریقے پرعمل پیرا ھیں ۔ نام سے ظاہر ہے، سنت پر چلنے والے اور جماعت کہنے کی وجہ یہ ہے کہ وە لوگ حق پر جمع ہوئے اور تفرقات میں نہیں پڑے ۔ بلکہ حضورﷺ کے طریقہ کار،اسکے بعد صحابہ کرام کے طریقہ کار،ان کے بعدتابعین اور پھر تبع تابعین کے طریقہ کار پر جمع رہے۔

حق جماعت کے بارے میں حدیث پیش خدمت ہے

 ٢٦٤١ - حَدَّثَنَا مَحْمُودُ بْنُ غَيْلَانَ قَالَ: حَدَّثَنَا أَبُو دَاوُدَ الحَفَرِيُّ، عَنْ سُفْيَانَ الثَّوْرِيِّ، عَنْ عَبْدِ الرَّحْمَنِ بْنِ زِيَادٍ الأَفْرِيقِيِّ، عَنْ عَبْدِ اللَّهِ بْنِ يَزِيدَ، عَنْ عَبْدِ اللَّهِ بْنِ عَمْرٍو، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «لَيَأْتِيَنَّ عَلَى أُمَّتِي مَا أَتَى عَلَى بني إسرائيل حَذْوَ النَّعْلِ بِالنَّعْلِ، حَتَّى إِنْ كَانَ مِنْهُمْ مَنْ أَتَى أُمَّهُ عَلَانِيَةً لَكَانَ فِي أُمَّتِي مَنْ يَصْنَعُ ذَلِكَ، وَإِنَّ بني إسرائيل تَفَرَّقَتْ عَلَى ثِنْتَيْنِ وَسَبْعِينَ مِلَّةً، وَتَفْتَرِقُ أُمَّتِي عَلَى ثَلَاثٍ وَسَبْعِينَ مِلَّةً، كُلُّهُمْ فِي النَّارِ إِلَّا مِلَّةً وَاحِدَةً»، قَالُوا: وَمَنْ هِيَ يَا رَسُولَ اللَّهِ؟ قَالَ: «مَا أَنَا عَلَيْهِ وَأَصْحَابِي»:

 عبد الله بن عمرو سے مروی ہے، کہتے ھیں کہ رسول کریم صلی الله علیہ وسلم نے فرمایا ۔۔۔۔۔ تحقیق بنی اسرائیل 72 فرقوں میں بٹ گئے اور میری امت 73 فرقوں میں بٹ جاے گی، ایک جماعت کے علاوہ سب دوزخ میں جائیں گے ۔ صحابہ کرام رضی الله عنہم نے عرض کی ، یا رسول الله صلی الله علیک وسلم، وہ ایک جماعت جو جنتی ہوگی وہ کونسی ہوگی؟

 تو رسول کریم صلی الله علیہ وسلم نے فرمایا کہ جو میرے طریقے(سنت) پر اور میرے صحابہ کے طریقے پرچلیں گے ۔ 

 ( ترمذی : 2461 ، ابن ماجہ: 3992 ، ابو داود:4597، مشکوۃ : 171)

اس سے مراد اہلسنت والجماعت تھی۔اس حدیث پر کسی فرقے کواعتراض نہیں ہے،سب اس حدیث کو مانتے ہیں۔وقت گزرنے کے ساتھ ساتھ ہر جماعت نےاپنے ساتھ اہلسنت کا لفظ لگادیاکہ ہم ہی حضورﷺ کی سنت اور صحابہ کرام کے طریقے پر چلنے والے لوگ ہیں۔جب صحابہ کرام نے یہ دیکھا کہ ہر فرقے نے اپنے ساتھ اہلسنت کا نام لگاناشروع کردیا ہے تو وہ دوبارہ حضورﷺ کی چوکھٹ پر حاضر ہوئے اورحضرت امام زین العابدین رضی اللہ عنہ سے پوچھا کہ حضور ،آقاﷺ نے اسطرح فرمایا تھا کہ اہلسنت جماعت جنتی جماعت ہوگی،آپ مہربانی فرماکر یہ بتادیں کہ اہلسنت جماعت کی نشانی کیاہوگی؟

چنانچہ حضرت سیدنا امام زین العابدین علی بن حسین رضی الله عنہما کی روایت موجود ہے جو لوگ رسول کریم صلی الله علیہ وسلم پر کثرت سے درود شریف بھیجتے ہوں گے وہی اہل سنت جماعت ہوں گے۔

  ( الترغیب : 963، القول البدیع 52، فضائل اعمال688)۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب ہم اپنے اردگرد دیکھ لیں کہ کون سے لوگ حضورﷺپر کثرت سے درودوسلام کے نذرانے پیش کرتے رہتے ہیں اور کون سے لوگ ہمیں اس کام سے منع کرتے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پھرابن عمر رضی الله عنہما سے روایات ھیں کہ انہوں نے فرمایا کہ رسول کریم ﷺنے فرمایا کہ بے شک الله تعالی امت محمدی کو گمراہی پر جمع نہیں فرمائے گا اور ا لله کا ہاتھ جماعت پر ہے اور سواد اعظم(بڑی جماعت) کی پیر وی کرو اور جو شخص ( جماعت سے اعتقادا یا قولا یا فعلا ) الگ ھوا وہ آگ میں الگ ھوا۔ اس کا معنی اور مفہوم یہ ہے کہ جو شخص اپنے اہل جنت اصحاب سے الگ ھوا وہ آگ میں ڈالا جاے گا۔

 (ترمذی:2167،کنز العمال:1029،1030،مشکوۃ:173،174)

اب ہم دیکھ لیتے ہیں کہ بڑی جماعت کونسی ہے۔آپ پوری دنیا میں دیکھ لیں کہ جو بڑے بڑے مشہور فرقے ہیں ،وہابی جو خود کو اہلحدیث کہلاتے ہیں کتنے ہیں دنیامیں؟دیوبندی پوری دنیامیں کتنے ہیں اور کب سے ہیں،شیعہ کتنے ہیں۔پتاچلے گا کہ الحمدللہ اہلسنت جماعت ہی وہ واحد جماعت ہے جو ساری دنیا میں سب سے زیادہ بڑی جماعت ہے اور 1400 سالوں سے ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب اوپر والی حدیث جس میں حضور ﷺنے فرمایاکہ بنی اسرائیل میں 72 فرقے تھے اور میری امت 73فرقوں میں بٹ جائے گی ۔تھوڑا غورکریں کہ یہاں پر حضورﷺ ماضی کی بات بھی بتارہے ہیں اور مستقبل کی بات بھی بتارہے ہیں کہ میری امت 73 فرقوں میں بٹے گی،اسکا مطلب ابھی تقسیم ہوئی نہیں ہے لیکن آگے چل کرہوجائے گی۔تو اسوقت جو ابھی تقسیم نہیں ہوئے تھے یعنی صحابہ کرام وہی حق پرتھے اور جو بعد میں الگ ہوتے گئے وہ فرقے بنتے گئے اور سیدھی راہ سے ہٹتے گئے۔اسکا مطلب جو صحابہ کا عقیدہ تھا وہ عقیدہ جو بھی اپنائے گا وہی حق پر ہوگا۔اب اسی حدیث پر تھوڑا غورکرتے ہیں اور دیکھتے ہیں کہ صحابہ کا کیاعقیدہ تھا۔جب حضورﷺنے یہ فرمایاکہ میری امت 73فرقوں میں تقسیم ہوجائے گی تو صحابہ نے عرض کیا کہ حضورﷺ مہربانی فرماکریہ بتا دیں کہ وہ ایک جنتی فرقہ کون ساہوگا؟یقیناً صحابہ کرام کا یہ عقیدہ تھاکہ جو حضورﷺ غیب کی بات ہمیں بتارہے ہیں بالکل ویسا ہوگا اس لئے انھوں نے پوچھ لیا،اگر انکا یہ عقیدہ ہوتا کہ معاذ اللہ حضورﷺ کو آنیوالے وقت کے بارے میں کیا معلوم؟آگے کا حال تو صرف اللہ ہی بہتر جانتاہے تو وہ حضورﷺ سے مزید بات ہی نہ پوچھتے۔اسکا مطلب صحابہ کا یہ عقیدہ تھا کہ حضورﷺ علم غیب رکھتے ہیں۔آج ہمارا یعنی اہلسنت کا بھی یہی عقیدہ ہے کہ حضورﷺ علم غیب رکھتے ہیں۔اسطرح ہمارا اور صحابہ کا عقیدہ ایک ہی ہوا۔اب وہ لوگ جو حضورﷺ کے علم غیب کو نہیں مانتے وہ کہاں کھڑے ہیں؟

اسی طرح جب کچھ منافقین نے حضورﷺ کے علم غیب پر باتیں کیں کہ حضورﷺکچھ نہیں جانتے(ایسی باتیں وہی لوگ کرتے ہیں جو حضورﷺ کی شان کو مانتے ہی نہیں ہیں)،جب حضورﷺ کو پتاچلا تو آپ ﷺ جلال میں آگئے اور فجر کی صلوٰۃ کے بعد مسجد نبوی کے منبر پر بیٹھ کرفرمایا کہ سلونی(جو کچھ پوچھناہے مجھ سے پوچھ لو) یہ نہی فرمایا کہ نماز کے بارے میں پوچھ لویا زکوٰۃ کے بارے میں پوچھ لو بلکہ فرمایا جو کچھ پوچھناہے پوچھ لو۔اب ایک صحابی جن پر لوگ باتیں کرتے تھے کہ یہ اپنے باپ کے نہیں ہیں،انہوں نے سوچا کہ آج اگر حضورﷺ خود موقع دے ہی رہے ہیں تو موقع اچھا ہے کہ میں حضورﷺ سے اپنے باپ کے بارے میں پوچھ ہی لوں ۔اب صحابی کا یہ عقیدہ تھا کہ حضورﷺ بے شک چھپی ہوئی بات جانتے ہیں تب ہی تو انہوں نے حضورسے پوچھ لیا کہ حضور میرے والد کون ہیں؟

حضورﷺ نے فرمایا تمہارے والد حذیفہ ہیں۔(ہمارا بھی یہی عقیدہ ہے کہ آپ ﷺ غیب جانتے ہیں)۔اسی طرح ایک منافق کھڑاہوگیا اور سوال کیا کہ حضور میرا ٹھکانہ مرنے کے بعد جنت ہوگا یا جنہم؟

حضورﷺ نے یہ نہیں فرمایا کہ مجھے کیا معلوم،یہ تو اللہ بہتر جانتاہے بلکہ حضور نے فرمایا تمہارا ٹھکانہ جنہم ہوگا۔ایک طرف تو حضورﷺ ماضی کی بات بتارہے ہیں اور دوسری طرف آنیوالے وقت کی۔

اب جو لوگ حضور کے علم غیب کونہیں مانتے اور کہتے ہیں کہ نبی دیوار کے پیچھے کا علم بھی نہیں جانتے وہ کس کے عقیدہ پر ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جوصحابہ تھےوہ قرآن کو بھی مانتے تھے اور اہلبیت اطہار کو بھی مانتے تھے۔ہم اپنے اردگرد بھی دیکھ لیں کہ ایک طرف وہ لوگ ہیں جو اپنی مرضی سے صرف اہلبیت کومانتے ہیں اور صحابہ کو اور قرآن کو نہیں مانتے اور دوسری طرف وہ لوگ ہیں جو صحابہ کو اور قرآن کو تو بہت بیان کرتے ہیں لیکن حضورﷺ کے اہلبیت کو نہیں مانتے۔پھر کچھ لوگ ایسے ہیں جو صرف اسی کوشش میں لگے رہتے ہیں کہ ہم کسی نہ کسی طرح معاذ اللہ حضورپاک ﷺ کی ذات اقدس میں خامیاں اور کمیاں ڈھونڈتے رہیں۔شیطان کا بھی یہی طرزعمل تھا کہ وہ اپنی مرضی سے اللہ کو تومانتا تھا لیکن جسے اللہ نے منواناچاہا اسے نہیں مانا وہ لعنتی ٹھہرا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اہلسنت والجماعت الحمد للہ حضورﷺ کے اہل بیت کو بھی مانتی ہے،حضورﷺ کے صحابہ کو بھی مانتی ہے اور جس جس کی نسبت حضورﷺ سے ہوجائے اسکو بھی مانتی ہے۔ہم اپنی مرضی نہیں کرتے بلکہ جس جس کو اللہ منوانا چاہے ہم اسے کھلے دل سے مانتے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 محبوب سبحانی شیخ عبد القادر جیلانی سیدنا غوث اعظم رضی الله عنہ فرماتے ھیں کہ مومن کے لیے لازم ہے سنت اور جماعت کی اتباع کرے پس سنت وہ ہے جسے رسول الله صلی الله علیہ وسلم نے جاری فرمایا ھو اور جماعت وہ ہے جس پر چاروٖں خلفائے راشدین رضی الله عنہم اجمعین کے دَور خلافت میں اصحاب نبوی نے اتفاق کیا ۔( غنیۃ الطالبین 192)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تھوڑی بات ہم قرآن سے بھی کرلیتے ہیں۔اسلام میں آج بہت سے فرقے ہیں اور ہر فرقہ اپنے کوحق کہتا ہے اور ہر ایک قرآن سے اپنا مذہب ثابت کرتا ہے ۔ قرآن سے پوچھو کہ سچا مذہب کو ن ہے وہ فرماتا ہے :

(1) یٰۤاَیُّہَا الَّذِیۡنَ اٰمَنُوا اتَّقُوا اللہَ وَکُوۡنُوۡا مَعَ الصّٰدِقِیۡنَ ﴿۱۱۹﴾

اے مسلمانو! اللہ سے ڈرو اور سچوں کے ساتھ رہو ۔(پ11،التوبۃ:119)

(2) اِہۡدِ نَا الصِّرَاطَ الۡمُسۡتَقِیۡمَ ۙ﴿۵﴾صِرَاطَ الَّذِیۡنَ اَنعَمۡتَ عَلَیۡہِمۡ ۬ۙ۬

ہم کو سیدھے رستے کی ہدایت دے اور ان کا رستہ جن پر تو نے انعام کیا ۔(پ1،الفاتحۃ:5۔6)

(3) اُولٰٓئِکَ الَّذِیۡنَ ہَدَی اللہُ فَبِہُدٰىہُمُ اقْتَدِہۡ ؕ

یہ وہ لوگ ہیں جنھیں اللہ نے ہدایت دی تو تم انھیں کی راہ پر چلو۔(پ7،الانعام:90)

(4) لَقَدْ کَانَ لَکُمْ فِیۡ رَسُوۡلِ اللہِ اُسْوَۃٌ حَسَنَۃٌ

تمہارے لئے اللہ کے رسول میں اچھی پیروی ہے ۔(پ21،الاحزاب:21)

   ان مذکورہ آیتو ں سے معلوم ہوا کہ سچے مذہب کی پہچان اس مذہب میں سچے لوگ یعنی اولیا ء اللہ ، صالحین ، علماء ربانی ہوں ۔یہ علامتیں آج صرف مذہب اہل سنت میں پائی جاتی ہیں ۔ شیعہ ، وہابی ، دیوبندی ، چکڑالوی میں نہ اولیاء اللہ تھے نہ ہیں۔ تمام چشتی، قادری ، سہر وردی ، نقشبندی اسی سنی مذہب میں گزرے ہیں اوراسی مذہب میں آج ہیں نیز حضور صلی اللہ تعالیٰ علیہ وآلہ وسلم کی تعظیم ، ان سے حاجتیں مانگنا، حضور صلی اللہ تعالیٰ علیہ وآلہ وسلم کو عالم الغیب ماننا وغیرہ تمام چیز یں عام مسلمان کا مذہب رہا اور ہے۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

   یہاں ہم ہر قوم کی تاریخ دیکھتے ہیں کہ کب سے وہ فرقہ بناہے۔   

  مرزائی: اس فرقہ کی پیدا ئش مرزا غلام احمد قادیانی کے وقت سے ہے یعنی بارہویں صدی کی پیدا وار ہے اس جماعت کی عمر سو بر س ہے۔۔                                                                                                                                                                        

 چکڑالوی : اس فرقہ کی پیدائش عبداللہ چکڑالوی پنجابی کے وقت سے ہو ئی یعنی اس کی عمر ایک سو پندرہ سال ہے ۔

شیعہ: اس فرقہ کی پیدائش بارہ اماموں کے وقت سے ہوئی کیونکہ اثنا عشر کے معنی ہیں بارہ امام، جب بارہ امام پیدا ہوئے تو یہ فرقہ ظہور میں آیا اس لئے اس کی عمر تقریبا گیارہ سو بر س ہے یعنی حضور صلی اللہ تعالیٰ علیہ وآلہ وسلم سے تین سو سال بعد میں ہوا، خیال رہے کہ ان شیعہ کے عقیدہ میں امام مہدی پیدا ہوچکے ہیں جو قرآن لے کر چھپ گئے ہیں قریب قیامت آئیں گے ۔   

 وہابی : خواہ دیوبند ی ہوں یا غیر مقلد اس فرقے کی پیدا وار عبدالوہاب نجدی کے وقت میں ہوئی لہذا اس کی عمرایک سو پچھتر سال ہے یعنی گیارہویں صدی میں پیدا ہوا۔    

   اہل سنت والجماعت: جب سے سنت رسول اللہ صلی اللہ تعالیٰ علیہ وآلہ وسلم دنیا میں آئی تب سے یہ مذہب آیا یعنی جو عمر سنت رسول اللہ کی ہے وہی اس مذہب کی ہے اور چونکہ مسلمانوں کی عام جماعت کا یہی مذہب ہے لہذا اس فرقے کانام ہوا اہل سنت وجماعت یعنی سنت رسول اللہ صلی اللہ تعالی علیہ والہ وسلم اور وہ جماعت جو حضورﷺ کے ساتھ حق پررہی ۔ قرآن پاک کی مذکورہ آیات سے معلوم ہواکہ یہ ہی فرقہ حق ہے اگرچہ قرآن پاک کا ترجمہ سب کرتے ہیں حدیثیں سب دبائے پھرتے ہیں اور علماء سارے فر قوں میں ہیں مگر صادقین یعنی اولیاء کاملین ، حضور غوث پاک ، خوا جہ اجمیر ، خوا جہ بہاؤالدین نقشبند، شیخ شہاب الدین سہروردی گزشتہ اولیاء اللہ او رموجودہ اولیاء کرام، نقیبی ،تونسہ شریف، سیال شریف، گولڑہ شریف،علی پور شریف،بٹالہ شریف وغیرہ تمام آستانے والے اسی مذہب پر ہیں ۔لہذا ان آیات نے صاف طور پر بتایا کہ یہ ہی مذہب حق ہے۔ اللہ تعالیٰ اسی پر ہم سب کو رکھے اوراسی پر خاتمہ کرے۔ آمین ثم آمین یا رب العالمین بجاہ سید المرسلین صلی اللہ تعالٰی علیہ وآلہ وسلم 

گزشتہ صدی میں وہ لوگ جو صحیح العقیدہ اہل سنت و جماعت نہیں تھے مگر انہوں نے خود کو اھل سنت وجماعت کہلانا چاہا تو اہل حق اہل سنت و جماعت کی پہچان واضح کرنے کے لیے سنی کے ساتھ بریلوی کا لقب پکارا جانے لگا ، چودھویں صدی میں مجدد اعظم امام اہل سنت اعلی حضرت مولانا شاہ احمد رضا خان بریلوی رحمۃ الله علیہ نے غیروں کی سازشوں کو پنپ نے نہیں دیا اور کمال جراٴت و استقامت سے مسلک حق اہل سنت و جماعت کی ترجمانی کا حق ادا کیا اس لیے ان کی نسبت سے بریلوی کا لقب آج اہل سنت و جماعت کی پہچان اور ھر سچے سنی کی صداقت کا عنوان ھے۔

طالب دعا 

حافظ نور عالم سرتا جی